فتح اله شهبازی – ای کوللر اوستونده یاتان
فتح اله شهبازی – ای کوللر اوستونده یاتان
ای کوللر اوستونده یاتان عطشان حسین جان
اولسون آنان زهرا سنه قربان حسین جان
یاتما قورو یرده اوغول گل سینم اوسته
زخم فراوان جسمیوی ایلیبدی خسته
دیداروه گلمش ملکلر دسته دسته
یکسر اولوبلار حالیوه گریان حسین جان
###
الله یولوندا ای اولان لب تشنه قربان
اولدوردولر عطشان سنی بو قوم عدوان
بو حالتین بی کس آنان ایلیبده گریان
دگمش سنه چوخ نیزه و پیکان حسین جان
###
باشین آیردی شمر دون گول پیکریندن
یوخدور بدنده باش اوپم گول لبلریندن
محروم ادیبدیر ساربان اوز اللریندن
جسمین اولوبدور زینت میدان حسین جان
###
صبریم توکولدی طاقتیم یکسر تالاندی
بوکموش غمی محنت اودور قدیم کماندی
ظلمیله جسم احترین قانه بویاندی
قوی منده ایلیم ذولفیمی الوان حسین جان
##
اتمیش لباسون کوفه و شام اهل غارت
قالیمبدآخه بدنده کهنه پیرهن
یاتما قورو یرده اوغول ای مرغ جنت
ای جسم پاکین زینت رضوان حسین جان
###
دوشموش یارالی پیکرین میدان ایچینده
غرق اولدی کشتی دیلون طوفان ایچینده
قالمش ایاقی عترتین دونان ایچینده
رحم ایلمز اطفالیوه دونان حسین جان